Гитараға арналған күшейткіштер

Бас және электрлі гитараларға арналған күшейткіштер (усилительдер)

Үйде жаттығу жасау, топпен репетиция өткізу немесе концертте өнер көрсету үшін бас гитараға арналған күшейткішті немесе электрлі гитараға арналған комбикті қалай таңдауға болады. Қуаттылығы 10-нан бастап 50 Ватттан асатын Fender, Marshall, Ampeg, Behringer, Cort, Gallien Crueger, Eden, Randall, Crate компанияларының өнімдері сіздің талаптарыңыз бен бюджетіңізге сәйкес келетін оңтайлы күшейткішті таңдауға мүмкіндік береді.

Жаңадан бастаушыларға арналған комбиктер

Егер сіз өзіңіздің алғашқы гитаралық күшейткішіңізді таңдап жүрсеңіз, орташа және жоғары баға диапазонындағы күрделі модельдердің соңынан жүгірудің қажеті жоқ. Электрлі немесе бас гитараға арналған бюджеттік комбик модельдерінде баптаулардың аз болуының өз артықшылықтары бар:

• аспаптың дыбысталуын баптау және шығыс сигналының эквализациясы принциптерін түсіну оңайырақ болады;
• сізді бірінші кезектегі міндеттен — бірқалыпты және ырғақты ойнауды үйренуден алаңдататын эффектілер аз болады;
• үйде жаттығу жасау үшін қуаттылығы әбден жеткілікті.

Күшейткішті таңдағанда, құлаққапқа (наушникке) арналған шығыстың бар-жоғына назар аударыңыз. Осылайша сіз жақындарыңыз бен көршілеріңізді мазаламай, өзіңізге ыңғайлы кез келген уақытта жаттыға аласыз.

Тәжірибелі музыканттарға арналған күшейткіштер

Көп жағдайда алғашқы гитаралық немесе бас комбигіңіздің мүмкіндіктері таусылып, оның үйде репетиция базасындағыдай (реп-точкадағыдай) үйреншікті дыбысты шығаруға мүмкіндік бермейтінін байқаған сәтте, оны ауыстыру керек екенін түсінесіз. Жетілдірілген модельдерді таңдау келесі факторларға байланысты болады:

• дыбыс шығару мәнері мен ойналатын музыканың стилі;
• күшейткіштің қажетті қуаттылығы;
• кірістірілген эффектілердің саны мен түрі. Бұл параметр өз педалбордын жинайтындарға немесе, керісінше, «желіге» (в линию) ойнайтындарға қатысты емес;
• шамды (ламповый) немесе транзисторлық алдын ала күшейту.

Жеке репетиция базаларын жабдықтау үшін гитаралық кабинеттер рөлінде классикалық Marshall модельдері өзін жақсы жағынан көрсетті, дегенмен қажетті дыбысталуға байланысты олармен Fender және Behringer күшейткіштері де бәсекелесе алады. Бас гитаристер үшін таңдау онша біржақты емес, өйткені тамаша бас кабинеттері барлық өндірушілерде кездеседі.

Концерттік алаңдарға арналған жабдықтар

Егер сіздің мақсатыңыз — концерттік өнер көрсетулерге арналған алаңды жабдықтау болса, оңтайлы дыбыстық жабдықты таңдауды кәсіби дыбыс режиссеріне сеніп тапсырған жөн. Мұндай тәсіл бюджетті дұрыс бөлуге, өнер көрсету жоспарланған алаңның ерекшелігін ескеруге және сахнадан естілетін музыка стильдеріне барынша сәйкес келетін жабдықты таңдауға мүмкіндік береді.

Болашақты ойлап алынатын күшейткіштер («на вырост»)

Егер сүйікті аспабыңызда ойнауға деген құлшынысыңыз суымайтынын алдын ала білсеңіз, қуаттылығы 30—35 Ватт болатын, орташа баға диапазонындағы бас кабинетін сатып алған жөн. Дұрыс таңдау жасау үшін қажетті қосымша функцияларды анықтап алу керек. Бас гитаристер үшін кірістірілген компрессордың болғаны артық етпейді, ал гитаристер овердрайвтан бөлек, хорус немесе реверберацияны қамтитын эффектілердің кеңейтілген жиынтығы бар күшейткіштерге назар аударғаны жөн.